కేటీఆర్ జన్మదిన వేడుకలు – ప్రజాసేవే నిజమైన రాజకీయానికి నిదర్శన
భారత రాష్ట్ర సమితి (బీఆర్ఎస్) పార్టీ వర్కింగ్ ప్రెసిడెంట్, మాజీ మంత్రి కల్వకుంట్ల తారక రామారావు (కేటీఆర్) జన్మదినాన్ని పురస్కరించుకుని పలువురు నాయకులు, పార్టీ కార్యకర్తలు హృదయపూర్వక శుభాకాంక్షలు తెలియజేస్తున్నారు.
ఈ సందర్భంగా బీఆర్ఎస్ పార్టీ సీనియర్ నాయకుడు ఉప్పల వెంకటేష్ కేటీఆర్కు జన్మదిన శుభాకాంక్షలు తెలియజేస్తూ ప్రత్యేక పోస్టర్ను విడుదల చేశారు. కేటీఆర్ నాయకత్వంలో తెలంగాణ రాష్ట్రం అభివృద్ధి పథంలో ముందుకు సాగిందని, యువతకు ఉపాధి, ఐటీ రంగ అభివృద్ధి, పారిశ్రామిక ప్రగతి, పట్టణాల అభివృద్ధికి ఆయన చేసిన కృషి చిరస్మరణీయమని పేర్కొన్నారు.
అదేవిధంగా తలకొండపల్లి మండలం, కల్వకుర్తి నియోజకవర్గ ప్రజల అభివృద్ధి కోసం ప్రజాప్రతినిధులు, నాయకులు కలిసి పనిచేయాలని ఆయన ఆకాంక్షించారు. ప్రజల సమస్యల పరిష్కారమే రాజకీయాల అసలు లక్ష్యమని, ప్రజల సంక్షేమమే ప్రతి నాయకుడి ధ్యేయంగా ఉండాలని ఈ సందర్భంగా తెలిపారు.
కేటీఆర్ ఆయురారోగ్యాలతో, సుఖసంతోషాలతో, దీర్ఘాయుష్షుతో ఉండాలని, తెలంగాణ ప్రజలకు మరింత సేవ చేసే అవకాశం కలగాలని తలకొండపల్లి మండలం మరియు కల్వకుర్తి నియోజకవర్గ ప్రజలు ఆకాంక్షిస్తున్నారని పేర్కొన్నారు.
– రిపోర్టర్ బృందం
కల్వకుర్తి వార్తలు
