🎬 ప్రముఖ నటుడు మహేష్బాబు దంపతులను వివాహానికి ఆహ్వానించిన బండ్ల గణేష్
కల్వకుర్తి వార్తలు | రిపోర్టర్: మొగిలి శెట్టి యాదగిరి
టాలీవుడ్ ప్రముఖ సినీ నిర్మాత బండ్ల గణేష్ తన కుమార్తె జనని వివాహ వేడుకకు సినీ, రాజకీయ, వ్యాపార రంగాలకు చెందిన ప్రముఖులను స్వయంగా ఆహ్వానిస్తూ సందడి చేస్తున్నారు. ఈ నేపథ్యంలో గురువారం ప్రముఖ నటుడు మహేష్బాబు, ఆయన సతీమణి నమ్రత శిరోద్కర్ దంపతులను వారి నివాసంలో మర్యాదపూర్వకంగా కలిసి వివాహ ఆహ్వాన పత్రికను అందజేశారు.
ఈ సందర్భంగా మహేష్బాబు, నమ్రత దంపతులతో బండ్ల గణేష్ ఆత్మీయంగా ముచ్చటించారు. తన కుమార్తె వివాహ వేడుకకు తప్పక హాజరై నూతన వధూవరులను ఆశీర్వదించాలని కోరారు.
బండ్ల గణేష్–కవిత దంపతుల కుమార్తె జనని వివాహం, విశాఖపట్నానికి చెందిన చిలుకూరి నీలిమ కృష్ణ, చిలుకూరి శ్రీనివాస్ దంపతుల కుమారుడు సూర్య తేజతో జరగనుంది.
ఈ శుభవివాహ మహోత్సవం 2026 ఆగస్టు 16 (ఆదివారం) ఉదయం 11:58 గంటలకు, హైదరాబాద్లోని జేఆర్సీ కన్వెన్షన్, విస్పర్ వ్యాలీ, ఫిల్మ్నగర్, జూబ్లీహిల్స్లో ఘనంగా నిర్వహించనున్నారు.
వివాహ వేడుకకు ప్రముఖులు, బంధుమిత్రులు, శ్రేయోభిలాషులను స్వయంగా కలిసి ఆహ్వానిస్తూ బండ్ల గణేష్ ప్రత్యేకంగా ఆహ్వాన కార్యక్రమాలను కొనసాగిస్తున్నారు. సినీ వర్గాల్లో ఈ వివాహ వేడుకపై ఆసక్తి నెలకొంది.
– కల్వకుర్తి వార్తలు
రిపోర్టర్: మొగిలి శెట్టి యాదగిరి
