ప్రజల మనిషిగా.. చట్టమే ఆయుధంగా! కల్వకుర్తి పోలీస్ వింగ్లో సీఐ భీమ్ కుమార్ ప్రత్యేక దృష్టి
పేదలు, బాధితులకు అండగా ఉంటా.. పోలీస్ స్టేషన్ చుట్టూ తిప్పుకోకుండా సమస్యలను పరిష్కరిస్తా
కల్వకుర్తి వార్తలు
కల్వకుర్తి పట్టణం, పరిసర ప్రాంతాల ప్రజలకు పోలీసు సేవలను మరింత చేరువ చేస్తూ, ప్రతి పౌరుడికి న్యాయం జరిగేలా పనిచేస్తానని కల్వకుర్తి సర్కిల్ ఇన్స్పెక్టర్ భీమ్ కుమార్ స్పష్టం చేశారు.
ప్రజలు తమ సమస్యల పరిష్కారం కోసం పోలీస్ స్టేషన్ చుట్టూ పదేపదే తిరగాల్సిన పరిస్థితి లేకుండా, ప్రతి ఫిర్యాదును చట్టపరంగా పరిశీలించి, సాధ్యమైనంత వేగంగా స్పందించేలా పోలీస్ వింగ్ ద్వారా చర్యలు తీసుకుంటామని తెలిపారు.
ముఖ్యంగా పేదలు, బాధితులు తమ సమస్యలను నిర్భయంగా పోలీసుల దృష్టికి తీసుకురావచ్చని, వారికి అండగా నిలుస్తానని పేర్కొన్నారు.
డ్రగ్స్, గంజాయిపై కఠిన చర్యలు!
కల్వకుర్తి పట్టణం, పరిసర ప్రాంతాల్లో యువతను తప్పుదోవ పట్టించే డ్రగ్స్, గంజాయి వంటి మాదకద్రవ్యాల అక్రమ కార్యకలాపాలపై పోలీస్ వింగ్ ప్రత్యేక దృష్టి సారిస్తుందని సీఐ భీమ్ కుమార్ తెలిపారు.
చట్టాన్ని ఉల్లంఘించే వారిపై నిబంధనల ప్రకారం కఠిన చర్యలు తీసుకుంటామని, యువత భవిష్యత్తును కాపాడేందుకు పోలీసు శాఖ తనవంతు కృషి చేస్తుందని తెలిపారు.
ప్రజలకు అందుబాటులో ఉండే పోలీస్ టీమ్
ప్రతి పౌరుడికి పోలీసు శాఖ అందుబాటులో ఉండేలా పనిచేస్తానని భీమ్ కుమార్ తెలిపారు. ప్రజల ప్రతి సమస్యను తన సమస్యగా భావించి, చట్టపరిధిలో వేగంగా స్పందిస్తానని పేర్కొన్నారు.
ప్రజలకు రక్షణ.. బాధితులకు అండ.. చట్టాన్ని ఉల్లంఘించే వారిపై చర్యలు — ఇదే లక్ష్యంతో కల్వకుర్తి పోలీస్ వింగ్ పనిచేస్తుందని సీఐ భీమ్ కుమార్ తెలిపారు.
రచన: అజయ్ కౌండిన్య, MA, LLB, PG డిప్లొమా జర్నలిజం,,ఫిల్మ్ డైరెక్టర్,కల్వకుర్తి వార్తలు
