నిరుపేద విద్యార్థినుల చదువుకు అండగా మిత్ర ఫౌండేషన్… విద్యా భవిష్యత్తుకు భరోసా
కల్వకుర్తి పట్టణంలోని హనుమాన్ నగర్కు చెందిన నిరుపేద కుటుంబానికి చెందిన ముగ్గురు విద్యార్థినుల విద్యా భవిష్యత్తుకు మిత్ర ఫౌండేషన్ అండగా నిలిచింది.
ఆర్థిక ఇబ్బందుల కారణంగా విద్యకు ఆటంకం కలగకుండా, ఆ విద్యార్థినులు పదో తరగతి పూర్తి చేసే వరకు వారి విద్యా బాధ్యతను మిత్ర ఫౌండేషన్ స్వీకరించింది. పేద కుటుంబాల్లో పుట్టిన ప్రతిభావంతులైన విద్యార్థులకు సరైన ప్రోత్సాహం అందిస్తే వారు ఉన్నత శిఖరాలను చేరుకోగలరనే లక్ష్యంతో ఈ గొప్ప నిర్ణయం తీసుకుంది.
విద్య అనేది ప్రతి ఒక్కరి హక్కు అనే ఆలోచనతో మిత్ర ఫౌండేషన్ ముందుకు సాగుతూ, అవసరమైన విద్యార్థులకు సహాయం అందిస్తూ సమాజంలో ఆదర్శంగా నిలుస్తోంది.
చదువుకోవాలనే ఆశ ఉన్నా ఆర్థిక పరిస్థితులు అడ్డంకిగా మారుతున్న విద్యార్థులకు చేయూతనిస్తూ, వారి కలలకు రెక్కలు అందించే కార్యక్రమాలు చేపడుతోంది.
“ఒక విద్యార్థి భవిష్యత్తును మార్చడం అంటే ఒక కుటుంబ భవిష్యత్తును మార్చినట్టే” అనే ఆలోచనతో మిత్ర ఫౌండేషన్ చేస్తున్న సేవలను పలువురు అభినందిస్తున్నారు.
నిరుపేద విద్యార్థుల చదువుకు అండగా నిలుస్తూ, విద్యా వెలుగులను పంచుతున్న మిత్ర ఫౌండేషన్ సేవా కార్యక్రమాలు ప్రశంసనీయం.
కల్వకుర్తి వార్తలు
రిపోర్ట్.. రాజు ధర్మ
