తాండా నుంచి ప్రపంచ రికార్డు స్థాయికి… కరాటే రంగంలో కిరణ్ నాయక్ అద్భుత ప్రస్థానం
సాధారణ తాండాలో మొదలైన ప్రయాణం… అంతర్జాతీయ గుర్తింపు వరకు ఎదిగిన గిరిజన బిడ్డ
పట్టుదల ఉంటే పుట్టిన ప్రదేశం కాదు… సాధించే తపన ముఖ్యం అని నిరూపిస్తున్నారు కరాటే మాస్టర్ కిరణ్ నాయక్. ఒక సాధారణ తాండా వాతావరణం నుంచి తన ప్రయాణాన్ని ప్రారంభించిన ఆయన, కఠోర శ్రమ, క్రమశిక్షణ, అంకితభావంతో కరాటే రంగంలో ఉన్నత శిఖరాలను అధిరోహించారు.
చిన్న వయసు నుంచే కరాటేపై ఆసక్తి పెంచుకున్న కిరణ్ నాయక్ ఎన్నో సంవత్సరాల పాటు నిరంతర సాధన చేసి బ్లాక్ బెల్ట్ 3వ డాన్ స్థాయికి చేరుకున్నారు. తన ప్రతిభతో కరాటే పంచ్లలో అద్భుత ప్రదర్శన చేసి ఇంటర్నేషనల్ రికార్డు బుక్లో స్థానం సంపాదించడం ఆయన విజయాలకు నిదర్శనం.
తాండా నుంచి వచ్చిన ఒక యువకుడు ప్రపంచ స్థాయి గుర్తింపు పొందడం గిరిజన యువతకు గొప్ప స్ఫూర్తి. కష్టాలను అవకాశాలుగా మార్చుకుని, లక్ష్యాన్ని చేరుకునే వరకు వెనక్కి తగ్గని కిరణ్ నాయక్ నేటి యువతకు ఆదర్శంగా నిలుస్తున్నారు.
క్రీడా రంగంలో మరిన్ని విజయాలు సాధించి, తన తాండా, తెలంగాణకు మరింత పేరు ప్రఖ్యాతులు తీసుకురావాలని ఆకాంక్షిస్తూ…
కరాటే మాస్టర్ కిరణ్ నాయక్కు హృదయపూర్వక అభినందనలు.
– కల్వకుర్తి వార్తలు
